أنا محتار.. أنا تايه = أنا التايه أنا المحتار
أنا المحتار من وقتي = أشوفه صار لي غدار
ألا يا وحدتي قولي = ألا يا يا وحدتي وش صار
وحيد وصارت الوحدة = لها ذكرى.. لها معنا
أنا اللي جيت لك جاري = من إيدين الشتا بردان
أنا اللي جيت لك عازف = من أنواع الشقا ألحان
مشينا دربنا بمركب = رسا في شاطئ الأحزان
بلا بحر وبلا مينا = سوى الحرمان يجمعنا
أنا مثلي مثل غيري = طفل محروم من حاجات
تراود نفسه الغيره = ويدفنها معه بسكات
يناظر للأمل نظره = وتغشا عينه الحسرات
ويصفعه الزمن صفعه = صداها دوم يوجعنا
ذكرتك يوم أنا وإني = نعيش بحينا الهادي
قبل نكبر،، قبل نمشي = قبل يمشي بنا الوادي
أبد كل شيء تغير فيه = أبد من راح ما عادي
ننادي فيه بأعلا صوت = ولا به حدّ يسمعنا
ذكرتك في عبير الورد = وذكرتك في سكون الليل
ذكرتك في شعاع الشمس = وذكرتك في صهيل الخيل
مشاعر صادقه يملك = حقيقة ما بها تمثيل
أنا وإنتي ومشاعرنا = ما أظن الدنيا تاسعنا
عيونك نظرتك.. سحرك = جمالك فاق كل الكون
خيالك بسمتك عطرك = بها عمر الشقي مرهون
أصارع لأجلها الدنيا = وأبيع الروح مهما يكون
متى يا شمعة أفراحي = متى الأيام تجمعنا