تدري إنه في غيابك
تغلي روح الشوق فيني؟
كلي يتبعثر شظايا
وأعجز إني أحتويني ..
يا زهوري
يا عطوري
يا ثنايا (ياسميني)
شوف حبك وش عمل بي؟
لطخ إحساسه جبيني
قالوا عار إنك تحبي
شخص ملك لأنثى غيرك
قلت أنا بعشق وألبي
وادري فيه إنه يبيني ..
مو صحيح إنك تبيني؟
وان حلمك تلتقي بي
وتلمس كفوفك يميني!
مو صحيح إنك تردد:
(قل أعوذ من جنونك)
لا لمحتك وسط عيني؟
مو صحيح إنك تولّي ..
قلبك لصوبي وتجيني؟
وإني أبكي .. حيل أبكي
لجل تتوضأ بدمعي يا ضنيني..
ما أخليك اتيمم .. وأنا جنبك
لازم إنك تغتسل بي
تغتسل إبماي عيني ..
تكفه باسم اللي خلقنا ..
ومن نفخ روحك بروحي..
تكفه باسم الواحد اللي
وحده يدري في ظروفي..
تكفه باسم الكون كله،
علم الدنيا بإنك: مشتريني..
وإنك انته ..
ايه انته ..
ما تساويني بغيري،
وإنك يالغالي (تبيني).