صرخة المسلم على المسلم حرام=قالها لي يوم صحت من الصميم
قلت انا فاقد غلا ناس كرام=خلكم من ناحل الجسم الهشيم
اذكره تاريخ موتك كا عام=واتذكر سالف العهد القديم
يوم عيني حاربت حلو المنام =صرت مابين الملا طفل يتيم
آه يايمه فلا يلحق ملام=من فقد غالي وشق الجيب ضيم
الله الله عقبكم ذقت الغرام =وذقت وبلات الاسى ويا النعيم
وعشت انا ما بين خالي والعمام=وعشت ما بين الصحايب والنديم
يوم صاروا لي مثل بدر التمام =ويوم ما القى نور بالليل العتيم
وشفت عيشة بعض خلق الله حرام =وان طيبه لو صفا لك ما يديم
كل هذا ما بقيت الا مرام=ارتمى كلي على الصدر الرحيم
ما لقيت الا التواجد والهيام=سالت دموعي على قبرك هميم
اتوجه كل وقتي للمقام =قبرك الطاهر عسى ظله نعيم
رحمة تعداد من صلى وصام=يارده من عند مولاي العظيم