ياحروفي بلغي الغالي سلامي=وانثري الأبيات لعيون الولايف

بلغيه انه رفيـعٍ(ن) بالمقامـي=وانه مجمل بحلوات الوصايف

والله اللي يعشقه لامايلامـي=يرتقي من طيبته ذيك النوايف

صاحبي عن كل عيبٍ(ن) متسامي=مايدنّس سيرته سود الصحايف

لايهمك ماسمعتـه ياغرامـي=واعتبر هاللي سمعته كالطرايف

والله اني ماأجامـل في كلامـي=شوف عيني ياحبيبي وانت شايف

يكفي انك ماخذن كل اهتمامـي=وفي غيابك ترجف حروفي شغايف

ادري انك ياحبيب الروح ضامـي=قرّب اسقيك الغلا وزيح الكلايـف

لك غلا ياصاحبي فالعز سامــي=ساكنٍ(ن) في وسط احاسيسي الرهايف