أنا ممتن ..
لحظي السعيد !
بأن رُزقت شقيق روح بهكذا بياض .
املك الكثير منك , فأنت مبذر بكل صفات الجمال الحقيقي ..

يا صالح خلف السكيبي






طير ياللي شق صدر الفضاء العالي =خـذ معـاك لحايـل علـوم كاتبهـا

طشهـا لا لاحـت بـروق همالـي !=بالسمـاء وإتـرك هواهـا يقلبهـا

لو تطيـح حروفـي بحجـر عذالـي=كـان زاد اللـي عليهـا معذبـهـا

لانهـا للصاحـب الغالـي الغـالـي=إبن مـن سـل الرهايـف ولاعبهـا

شمري ماهـوب عمـي ولا خالـي=بس مـن قـوم ٍ تدسـم شواربهـا

الرفيق اللـي مـع خاطـري سالـي=ارمي همـوم الصـدر لـه ويغلبهـا

صاحبي لا تقول شللي بـرى حالـي=ما خفاك اللي على النفـس متعبهـا

والله اللي حط بـك آخـر آمالـي !=إن كل اللـي حصـل مـن سبايبهـا

طفلة ٍ ما تعرف اللـي شغـل بالـي=تعرف إن رموشهـا مـن عجايبهـا

تمتمت والشهد من ريقهـا الحالـي=بـل شفتهـا ورطـب جوانبـهـا !!

قالت إن الماء نشف من على جالي ..=وإرحلت مـا كـن عينـي تراقبهـا

ليتني من جور الأيـام مـا أبالـي !=كان مـا نفسـي هواهـا مغلبهـا ..

استخـرت وزاد همـي وغربالـي ..=وكل ساعة صبـر ماتـت عقاربهـا

مابقى يا صالح بهالفضـاء الخالـي=غيـر أنـا والذكريـات ومتاعبـهـا

يمكن إن طـال الزمـان وتهيالـي !=يرزق الله قلبي ومـا يمـوت ابهـا