يامن تمعن في اموره وفكر=في هالزمان اللي تناهت خطوبه ودنيا تمر ايامها دوم تفتر =تصدق لنا مره ومره كذوبه وشمس توزع نورها حين تظهر=لكن تعود وتحجبه في غروبه شيء بهالدنيا رأيناه ماسر=في عالم نخشى فظايع حروبه حرب يسويها البشر لي تهور=ولاتصيب إلا البشر بالعقوبه من شرها يفنى البشر ويتدمر=اما سبب تدميرهم هم سعوا به لو نتفكر باحوالنا ونتصبر=ونقول عن كل الشعابيث توبه واللي مشى درب السنع فاد ماضر=والله يرى عبده ويغفر ذنوبه من لا تعلم ضيع العمر مضطر=يمكن بوقته في ظروفه صعوبه العلم للانسان درب منور =اما الجهل للناس تظلم دروبه من علمك فضله عليك وتذكر =انه عطاك اغلى رصيد حظو به فضل المدرس محد له تنكر=يبني فهمنا طوبة فوق طوبه من لا بعلمه في حياته تطور=ذب القشور وقرب اللب صوبه عايش بها الدنيا وهو ماتصور =انه على الهامش ما فكروا به من ساد في علمه وفنه وسيطر=ماهمه اللي بالحكي شتموا به غاصوا البحر بسلاحهم ماكفى البر =والكون طاروا به ودلوا دروبه مالوم سام وصاحب الدم الاحمر=شافوه كوكبنا كرة ولعبوا به حنا املنا والرجا ماتغير =بالله وفيكم ياشباب العروبه من رام كسب المعرفه ما تاخر=ذا بابها مفتوح يالله ادخلوا به كل واحد بيده كتاب ودفتر=واصرارهم ان الجهل مارضوا به مسكين من قوته يجي له مصدر=ولا لبس من صنع اياديه ثوبه من لا كسر قيده بايده وشمر=عن ساعده لاعاش كوبه تكوبه حتى يرى نفسه عزيز تحرر=من حاجته للغير مافاز نوبه واقول في نفسي متى البال يستر =من مايسويه الجهل او يشويه واللي بذم عيوب غيره تندر =اجدر به الاول يصلح اعيوبه والفضل للاخلاق والبعض يغتر =علما بلا اخلاق نرفض اسلوبه باثنينهم نقضي على عامل الشر =والرب يعطينا عليها مثوبه ويل الضعيف اللي جداه يتذمر =لوزلته صغرى عليه محسوبه اما يجاملهم من الضعف مضطر=ولا تورط بينهم وعبثوا به مثل الذي ذاق البلا ويتصبر=ويقال له اصبروهم حسروا به والناس غايتها كراسي ومظهر=من نال منهم غايته رحبوا به من فاز يبشر بالثنا ويتكبر=واللي فشل لو مجتهد هبلوا به واذا فلت كفه من الحبل سمر=خله يروح المنتهي مادروا به ذي حالة الانسان مهما تجبر=ماناب غيره في النهاية ينوبه يارب لطفك والرجا فيك اكبر=لعاد ماغيرك نوجه لصوبه وارجع لمبداها وهو لو تكرر=واعيد ماقلته واحس بعذوبه يامن تمعن في اموره وفكر =في هالزمان اللي تناهت اخطوبه |
||||||
| vists | copyrights slogon | online crap |