كلن سألني قال ... مالك خليلـه؟=وأنا عجزت أرد وأقـول مافيـه
وأنا ادري إني رجل وأسوى قبيله=لكن حظي ويـن روح بـه التيـه
زمن غريب إذا تسربـل رحيلـه=عود يقول أظن وقتي بقـى فيـه
صحيح أنا شاعر يبيـت دخيلـه=لكن شعري لالفى قمـت أجافيـه
لأني لو استرسـل واتبـع دليلـه=ليقوم يتفرعن ولحـدن يجاريـه
الشعر فيني مثل خيـل بصهيلـه=لاهب مثل الريح من هـو يهديـه
لاجا القصيد أخاف وابدي قليلـه=ما كل ماوسوس به إبليس نبديـه
ماهو بهمي قـول مآبـه مثيلـه=من زود فنه زايـد فـي تباهيـه
لا لا أنا همي .. لهـذي القتيلـه=من هو ذبحها وين خوفه لباريـه
إن كان لي بالحب تلفـي حليلـه=تقـول ننثـر ورد وأقـول لبيـه
وباجسم اثنين الهوى لـو بحيلـه=في وسط كفي(حب)وأقول شوفيه
ولو طاح منها حرف إني لأشيلـه=وانفض غباره لين تظهر معانيـه
وبداخلي مجنون باخلـي سبيلـه=وأقول قدامك على الحـب ياهيـه
كليب يـوم انـه نـوى بالجليلـه=سوى مهرج والهوى فيه مافيـه
والصدق أنا منصت لنغمة رحيلـه=باسير خلفه صدق ماهو بتشبيـه
ومن هو سألني قال مالك خليلـه؟=باقول ماشفتوني اتبـع خطاويه