ودي اكتب لكن اقلامي تعيّي = ودي اشكي مثلما العشاق سوّوا
صدقيني ما جرح هالحزن زيّي = غير ناس ٍ بالمحبّه قد تكوّوا
كلما قلت اشرقت وانزاح غيّي = عوّدت لي بالمغيب و قلت ضوّوا
بالحشا نار ٍ لهبها زاد كيّي = يومهم عابوا عليّـه ما تروّوا
يا خلف كلّ الملا يا بعد حيّي = يا هوى قلب ٍ مواليفه تلوّوا
و الله اني م اعزيت إلاّ بـ خيّي = و بغرامك يا غرامي لا تزوّوا
ما يطول المستحيل إلاّ خويّي = و بهواك اذبح ثعابين ٍ تطوّوا
من يقول إني صدفتك في مجيّي = يكذبون اللي بهالاخبار عوّوا
ربي اللي ساقني من وسط حيّي = لين شفتك في براح ٍ به تهوّوا
و احتمى قلبك من الظلمه بـ ضيّي = ما حسب للي على جرحه تقوّوا
يعقدون عزومهم واطلب وليّي = يفقدون المنهل اللي به تروّوا