احدن ذهب صافي ولاهوب مغشوش = ما مسـّه بْكفـّه مزوّر و غشاش
واحدن كما المعدن اليا صار مرشوش = يغريك بالصوره و من داخله ماش
وقت الرخا يزبد على الناس و يهوش = واليا وصل حدّ الصعيبات ينحاش
واحدن بلا هذي ولا ذيك و يدوش = كنـّه بلا معنى ً في الارض دوّاش
واحدن شرى ثوب النواميس بقروش = واحدن يبيع اغلى مباديه ببْلاش
ما عدت اميـز بين صاحي و مربوش = بالذات في وقت ٍ به الطيش ما طاش
ياللي تبي علم ٍ بالاعراف منقوش = نقش ٍ نقشْه اللي على الزور ما عاش
دام السما تمطـر بْديموم و رشوش = والارض ما فاضت بْديموم و رشاش
و الله لو تنبت شواربك برموش = ما يثمر احسانك في النذل و اللاش
لا صار له حاجه بنى عرش و عروش = حدّ القمـر لجلك و قلّطك بفراش
قلبه على الفلـّه و عينه على الحوش=ناس ٍ على رجس التناتيف تعتاش
و اليا قضيت اللي بغى كنّ به روش = عمر الوفا في سلمهم لمعة فلاش