جرالي من سبب فرقاك جـاري=غرام وشوق وأحزان وعبـاري

أخفي دمع عيني عـن عذولـي=وحزني من ورا الصبر أمتواري

وأنا اللي لوعتي باقصى الضماير=على لامـاك ياسيـد الجـواري

تراني يالغضى صبـري تصبـر=ومرهون النياء صبـره تجـاري

عليك أحييت ميت النـوح كلـه=أهيم مـع السباريـت البـراري

أبدد من همومـي فـي خلايـه=وأهد الطير فاجـوال الحبـاري

وأسج بسلـوة المفطـوم ساعـه=وتطري لي عيون الطير طـاري

وبرقعته مابـي شوفـة عيونـه=وعرض ريم الفلا وأدم وعفاري

عنـود الريـم خـده وألتفـاتـه=يذكرنيـك تطريـق ونـحـاري

والأدمي ذكـرن جيـده بجيـدك=وتفرق عنه باللـون وخـزاري

إلي رمت العزا ينهـار صبـري=فراه من النيـا والوجـد فـاري

ذبحنـي عمـد محبوبـي وكنـه=عن اللي صابني ماهـوب داري

وخياله لو تباعـد فـي خيالـي=نديم الطيـف والفرقـا اجبـاري

براني طـول هجرانـه وصـده=وعلى حالي من الفرقا مـواري

أبـي لامـاك ياعـذب السجايـا=عسى جرحي نهار ألقالك بـاري