شفت زولٍ عرض لي في مضيق الطريق=ما بعـد شفـت مثلـه بالبهـا والجمـال

قبل اشوفه وانا من ملـك مثلـه عتيـق=وعقب شوقه ملكنـي بالغـوى والـدلال

يذبـح اللـي يشوفـه بالقـوام الرشيـق=يذبح أهـل المـوده ذبـح جنـد النـزال

من سهوم اللواحظ صار جرحي عميـق=وسحر هاروت فوق الرمش جاله ظلال

ورد خـذه تلامـس بالحريـرالرقيـق=وبين الاثنين صـارت للنعومـه جـدال

وفي بحور المحاسن كل جسمه غريـق=يخلف اللي يوصف بيـن عـدل وميـال

يوم شفـت العواتـق والنحـر والدليـق=والخواصـر وردف للمسابيـل شــال

قلت ليتك على اللـي فالضمايـر تويـق=وتستبيـن المحبـه ياصعيـب المـنـال

قال ما احب قلـب فيـه جـرح عتيـق=ان تجـدد تذكـر مـا ضيـات الليـال

يوم ننصـب محابيـل الهـوى للطليـق=لا تشربك بحبلـي وانـت بيـدك حبـال

قلت يا طيف هيفا رد ليتـي مـاافيـق=حبب النوم عيني شـوف هـاك الخيـال