الشاعر/ الكبير علي بن سعيد بن بلال
اليامي بعث بهذه القصيدة مع الشيخ محمد بن ذيب المهان إلى شاعر هوازن الكبير (عبدالرحمن بن سعو د العطاوي):- خطر ما خطر بالبال عمَّـا تصورتـه=وأخذت القلم والحبر والبوك حضَّرتـه وممَّا جرى سجلت وحيال مـا طـرى=تخيلت طاروقٍ من الشعـر واخترتـه طريـفٍ وقافيتـه ثـلاثٍ حروفـهـا=لشاعر هوازن وافي الـوزن صدرتـه أبا أقطف لابو نـواف قفـرة طرايفـه=صديقٍ يحيي مقدمي كـل مـا زرتـه الـى عـددوا شعارنـا اليـوم كلهـم=مع اللي يشيد منـزل الشعـر قدرتـه وانا يالعطاوي صاحب العرف صاحبي=ولو صار عن عينـي بعيـدٍ تذكرتـه وانا لا سريت الليل واصبحـت للمثـل=تقديت بالقطـب الشمالـي وناظرتـه واحب التجاوب مع هل العرف وافتخر=خصوصاً بسر الشاعريـة ليـا درتـه ارابع هل الاثنيـن والخمـس والبحـر=على النحو هذا لو عصى القاف سخرته والى شفت حرف العين والخا تداعبـت=عن الصاد حرف الزا على طول باشرته اخاف ان رياح البحر تغـرق سفينتـي=ووجهـت رأيـي للعطـاوي وخبرتـه ولا كل من يلبس من الشعـر ظاهـره=على ما يحز بمخزن السـر شاورتـه واحب التجـارب والشدايـد وكونهـا=وصديقي بها مادمت انا حي ناصرتـه ومنيع بن سالـم والخـلاوي دليلهـم=هو المتبع في دربـي اللـي تنحرتـه صدوقٍ مع من ينطق الصـدق مطلقـاً=ولو هو خصيمٍ لي شكرتـه وبررتـه الى صرت جاهل في هل العلم أبا أقتنع=وفعل الخطا لو بأضعف إيمان غيرتـه وكـم قايـلٍ قولـه دلـيـلٍ يدلـنـي=وكم قايلٍ سمٍ سمـا الفكـر وانكرتـه ولا ني بسئولٍ عـن الصـح والخطـا=ولا كاملٍ في كل ما اعلنت واسررتـه لكني الـى احتجيـت زكيـت حجتـي=ولا ينهدم بيتٍ علـى سـاس عمّرتـه وبحيز الجود الخمس تروي وترتـوي=وبرهانها سر المعاني الـى اظهرتـه رمـوزٍ تفسرهـا قلـوب العبـاقـره=وقلبي عن اللي يجهل الحـل حذرتـه فخذها يا بو نـواف واسـرع بردهـا=على ضو مضمونٍ نظمتـه وفسرتـه تدلك محاريفه علـى كـل مـا حـوى=ولي الحق لا نادمت مثلـك وسايرتـه لأنك تحكـم الـراي وتحقـق الهـدف=سمعت الحقائق منك والـراي قررتـه وتقبل سلامي عد مـا ذعـذع الهـوا=وانا بانتظار الرد وان وصـل قدرتـه بعد عرف قومٍ غطـوا الحـق بينهـم=خطر ما خطر بالبال عمـا تصورتـه *** رد شاعر هوازن الشاعر عبدالرحمن العطاوي على القصيدة السابقة:- لفانـي عزيـزٍ بالتراحيـب باشـرتـه=وعن اهل إيدمه قدام يجلـس تبشرتـه هلا ما هما هملول وسـمٍٍ علـي الوطـا=وكسا الارض غبه رونق العشب وزهرته بابن ذيب نـزه العيـب مقـدم حمايلـه=شهيـرٍ ولومـا بالتماثـيـل شهّـرتـه عطاني هدايا من هـل الجـود والوفـا=كتابيـن كـلٍٍ ذوب الـذوق بثمـرتـه وتمليـت مافيهـن مـلـيٍٍ وشاقـنـي=وحلى ما حوى مهداك يا علـي ذمّرتـه صفا البال يابن بـلال ساعـه قريتهـن=تماثيـل مثـل الحلـم بالعلـم عبرتـه لك الشكر عمّـا فـي معانيـك خصنـي=ولك العذر عمّا يا علـي فيـك خسّرتـه ومدى الميد يابن سعيد لو يبعد المـدى=وعديم الجـدى لـو بالتماثيـل قامرتـه تعص بعصا موسى عن السحر يا علـي=على شاعرٍ ساحر بالاشعـار ساحرتـه تحاورت ويـا الحـور حـورا وحايـره=ولا احترت يا حبـرٍ بالالغـاز حاورتـه عرفنا بحور الشعـر يـا علـي كلهـا=يهود الصدور ودين الاعجـاز نصرْتـه على ما تبـي عليـت يـا علـي علله=عموم العلايـم عاميـاتً ولا أبصرتـه اجر اليرى فالطـرس والشعـر جرنـي=واجاري زميـلٍ كبـر الشعـر واكبرتـه ولى من صدوف الواو والـدال صادفـت=بالاقدار مع من عـن عوانيـه حجّرتـه رمع لـه وانـا اورد رد واردك رامعـي=وعدلت اليرى مع عدلت القلب وعجرْتـه خلت من خليلـي غيـر قلبـي منازلـه=ولامن ولو طيـفٍ بالاحـلام سامرتـه ولا من نديـمٍ لـي ليـا نامـوا المـلا=سوى الزاج والازعاج بالـزاج صورتـه هميم وهامـت بـي همومـي وهايمـت=بي النفس مع هيا متى الوصل وسرْرته الا يا جريح القلب مثلـي مـن الهـوى=تعبّـر وعبـر معبـر العبـر وعبرتـه وراهـم يحبسـون المساكيـن كلـهـم=ورا يا بن سالم نصف مملـوك حررتـه وورا ما تقول لمدّعى العـرف صاحبـك=على ذاك علمك يا بن الاجـواد زورتـه الا يـا بعيـد عـن المواريـد كلـهـا=لك الله لو تبعد عـن الـداب وشجرتـه غدت بي هواجيسي مع الشعـر والشقـا=وعلى رد شاعر يام مـا صـام فطرتـه الا يـا طـروشٍ يـم نجـران بلـغـوا=سلامي على من يدهل الرمـل وحجرْتـه وعلى من سكن باعلى القرى داخل القرى=من اهل الوبر في منطقه يـام ومدرتـه وعلى علي ردوا لي سلامـي وسلمـوا=علـي كـل يامـيٍ تحـزم بخنجـرتـه |
||||||
| vists | copyrights slogon | online crap |