مشكـور لـو كـل الثنـا مايكافـيـك=ويكفيك طيب الظـن منـي بجـوداك

ياراهيٍ مالـك حشـى مـن يجاريـك=يطول عمر اللي على الطيـب ربـاك

عطني عطاك الخير حتى أني أعطيـك=جواهـرٍ يامزهـي الشعـر تـزهـاك

عبدالعزيـز تعيـش ماأعـلا مجانيـك=إلى مقرن الهافـي حشـى ماتمثنـاك

يامير جـودك ماقصـر دون ناخيـك=وأعرفك شوحك يرهم سعـود وهنـاك

في جودك الأحرار صـارو مماليـك=وأنا مليك ولا أرتضى عتـق حسنـاك

دم يارفيـع الشـان وأرفـع مناجيـك=حتى المعانـي ترتفـع لـك وتلقـاك

بني المعالـي متعـبٍ وأنـت يمديـك=المجـد تاجـه دايـمٍ فعـل يمـنـاك

كم واحدٍ يزعـل إلـى حـل طاريـك=وده بذكـرٍ مثـل ذكـرك ولاجــاك

أنـت الوحيـد اللـي كبـارٍ معانيـك=في المجد في الشعر القوي في عطاياك

الناس معك ولا معـك مـن يخاويـك=يطـول عمـرك يامـعـزة دنـايـاك

ياكبرهـا بيـن الخلايـق مساعـيـك=كنك بفرمـان الدهـر فـوق الأفـلاك

مـن شبتـك يـم المعالـي مبـاديـك=وأنا أعرف اللي يـم الأمجـاد نـاداك

أبـوك جــدك والإئـمـه تنـاديـك=كنـك وحيـد اللـي سليـلٍ لـذولاك

الله يابو راشـد علـى الـدوم يحييـك=يابـو سعـود البيـض منـي تغشـاك

قرايـحٍ فـي منتـدى القـوم ترويـك=عذبـات عذبهـن تبـاعـد نـوايـاك

مالـك شريـك إلاشراكـة مساميـك=بـس الفعـول المبعـده ذاك مـن ذاك

أوحيت عنك اللـي بالأفعـال يوحيـك=جزل الثناء اللي وأنت في نومك أوعاك

مولاي ما أحصي في الخلايق مواليـك=ياكثر منهو فـي مواطنـك واحمـاك

لو أنه إبـن الـورد عـروه مخاويـك=خلّى التصعلك عايـشٍ مـع رعايـاك

قسميـن خلـق الله ولاحـدٍ بناسـيـك=حامـد وحاسـد كلـهـم لاعدمـنـاك

حتـى القصايـد يـم ذكـرك تباديـك=ومنهـن عرايـس عاشقـاتٍ محيـاك

العفـو لانغضـب حبيـبٍ بخافـيـك=اللـي تبكّـر عـذب لامـه بلامـاك

والشعر وش حيلة عروسـه تهاويـك=إلا أنهـا معدومـةٍ مــن حـلايـاك

هي دوك مافيها حشـى مـن يماريـك=أحجر عليها وأسقها العذب مـن مـاك

بيضاء على راسـك بسمعـك تخاليـك=تقـول يامعشوقـي أحيـا بـذكـراك

مرامهـا عـن كـل حسنـا تلاهيـك=تـوري محاسنهـا لضحكـة ثنـايـاك

ملّكتهـا لــك ياربـيـع المهالـيـك=طبينـةٍ للـي معـك فـي حنـايـاك

مـا رابهـا لـو مـرةٍ فيـك تشكيـك=تفهـم نوايـاك البـعـاد ومـزايـاك

إلا أنهـا ترفـض شراكـة هذوليـك=من حيث ماتطمح مع المجـد لحـذاك

خذها وعطها فـي طموحـك تباريـك=وفي عرسها عطها التمانـي بسلـواك