يـا خليـلٍ مـا يراعـي للخليـل=كل ما أطلب منه مطلـوبٍ محـال

قلت مرّه بـس عطنـي سلسبيـل=ريقٍ أحلى من عسل نحل الجبـال

قـال لا والله محـال ومستحـيـل=ما تمس شفـاي لشفـاه الرجـال

قلت كيف الوصل قال حلـوم ليـل=لحظةٍ تسعد بهـا طيـف الخيـال

قلت يـا قتـال مـا ترحـم قتيـل=مغرمٍ بك مـا يبـي غيـرك بـدال

قال لو دمعك علـى خـدك يسيـل=أعرف انه مكـر حبـك واحتيـال

قلت ما باقي لنـا غيـر الرحيـل=قال لا والله مـا أحـب الانفصـال

قلت ويش الحل يا سمـر اجديـل=قالت أحسب عشر عشرات وتعـال

قلت عيد النحر مـا غيـره بديـل=ثالث هـلالٍ وعشـرٍ مـن هـلال

قالت أيه الناس في شهـرٍ فضيـل=ولا يصح مغازلة يا بـن الحـلال

قلت في الموعد الى بيتـك نجيـل=قالت أشبعكم ضحى نحـر الجمـال

ورحت مدري ويش قلت وويش قيل=بيننـا مـا صـار زبـده للجـدال