انتـثر ليلي على صبحي حزين=وأشرقت شمسك وأنا روض وزهر

فاحت جروحي بعطر وياسمين=واشتعل حرفي بصدري ..من قهر

القلم ربان والمعنى سفين=والورق ضميان.. وأفكــاري نهر

يا حبيبي يا شموخ العاشقين=يـــا شبـــيه الحــــر لا منه شهر

رد قلبٍ في يدك خذته سجين=يكفي أن الســــــر.. للعالم ظهر

غبت لكن عنك ما غاب الحنين=ما خبر شوفي عطى طيفك.. ظهر

يشهد الله جرحك بصدري ثمين=صدق إني منك.. حبيت السهر

صرت لمخيم عذاباتك جنيَن=كنك المــــوت الحمر لا من ظهر

يا اصدق أحبابي على مر السنين=شف شعوري من سواياك انبهر

مـا طلبتـك معصـية للـوالـدين=ولا طلبتك تعطي السمعة مهر

اعتقــد إني طلبتـك حــاجتين=لا تواصــلني .. وتقطعني شهر

إزعل وعاتب ولاكن لا تهين=لا تظــن البنت ما هي.. من ظهر

ما يفيد أقسى ولا ينفع تلين=لا تصير العـــون في ظلــم الدهر

دامنا بين الليالي راحلين=خلنـــــا نقطف ... ليالينــا زهر