حبيب عمري وش بقالي حبيبي =من ذكرياتي يكفي اللي بقالك

يا ستري اللي منه شقيت جيبي =يمناك ما تنفع بليــــا شمالك

يا ظل عمري يادفاي ولهيبي= ماني هماجك كان ماني زلالك

لا تحسب فراقك هو أسباب شيبي =شيبي ظهر فيني بليلة وصالك

ما اخترت جرحي بالزمن من طبيبي =ولا تمنيت بزماني بدالـــك

حبك غدى بعيون الأقراب عيبي =وأصبح طلاقي بالليالي خمالك

وش جاك مني غير حبي وطيبي =اصدق مع الله قبل تنطق مقالك

يا ويل قلبي لا عوى منك ذيبي =وانا مره خوفي من البعد حالك

إذا طموحك بالليالي نحيـبي =أنا طمــوحي بالليـــالي بدالك