بينك وبين الجرح يا سيدي فرق=الجرح يكبر وانت تصغر بعيني

احرقتني يا كثر ما احرقتني حرق= مع انك انت انسااان موجود فيني

أفرح اذا هبت لي النود من شرق= كل يوم اقول اليوم يمكن يجيني

يالي سرقت القلب من مهجتي سرق= الي متى والقلب بيدك سجيني

أحس بك في داخلي دم بالعرق= وأحتاجلك حاجة أنامل يديني

طاريك غصن وذكرياتك لي الورق= بيحت لك بين الليالي حنيني

رمح الغرام أدماني بكثرة الزرق= كل يوم شكي فيك يطعن يقيني

كل الليالي من بعد غيبتك بُرق= هذي سوايا غيبتك في سنيني

أصعد تواضع في غرامك لي وأرق= حطم برود الذات من شان عيني