يا لايمي بالطير كب الملامه = مالك على شرواي حق وقوانين
اخاف من هرجك يقل احترامه = واهل الصقاره عنك ماهوب دارين
ثمٍ تجيب اعلوم فيها ندامه = تجرح شعور اهل الطيرو العزيزين
يا لايمي مالي عليك بنضامه = العلم واضح مايبيله براهين
الطير عندي بالغلا له مقامه = حبه سرا بالدم مثل الشرايين
حبه ترك فالقلب مثل العلامه = ماهمني في قاسي الوقت واللين
ناسٍ ولعها من جدودٍ قدامه = في عام الأول ماضي الوقت والحين