عيني من الجزن جاديها عناها = عند التفراق وفخات المواليف
ياللي تعذلون نفس عن هواها = سالين ما انتوا تعرفون المعاريف
أبكي وعيني كثير حب ماها = تصب صب المطر من منشي الصيف
ازعلتوا النفس وابعدتوا رضاها = الله بلاني بها لقوم الملاقيف
يا عنز ريم اخطاها اللي رماها = عنود صيد تحير بها التواصيف
اعدود مقاطنهم خلوا جباها = تلعب بمرحانهم ذاري العواصيف
يا ونتي من عنا النفس وشقاها = من خافي لاجي بين السراجيف
ونة خلوج بعد فرقي ضناها = من كثر حزن وطاها راحت ضعيف
كبدي عطت كل خلق الله قفاها = واتعبت الاقدام من روس المشاريف
على هنوف سلب عقلي غلاها = اقفت مع البدو وانا رحت للسيف
تنهار قوة عظامي من حكاها = أشد واسطى علي من ضربة السيف
غصون قلبي نشف باقي ثراها = من لوعة الحزن جاها لا هب الهيف
أنخا رجال تزبن من نخاها = تعمل لنا عن ثقيل الحمل تخفيف