فالهاتف الجوال جتني رساله =فيها عتب مجهول والرقم مجهول

من مصدرن لو قلت مالي وماله=عيا يسج البال والفكر مذهول

والعقل ياناس ابن عم الجهاله=مالي حدى الاقول ياحول ياحول

والكلمه اللي ماعليها دلاله =لها طريقن بين صايد ومزلول

واكبر معاصر عندنا من اجماله=ياما عشق ويلوم في حب مجمول

لاكن حلالي يختلف عن حلاله =وبعض القصيد الغاز واللغزمحلول

وكم فذ ضاعت حيلته واحتياله =ينفذ المشروع من غير مدخول

ياناس خلو كل واحد وحاله =لو المصيبه كنها حيد حل حول

والله يعز اللي يحب الجماله =يركض لها بالارض فالعرض والطول

اما خسر ولا ربح ربع قاله =ولا يعيش العمر والحظ معقول

واليا انعقل ملي بيطلق اعقاله=وغير الحقيقه ويش تبغاني اقول

والحجه اللي ماعليها كفاله =تبغى لها ترتيب كافل ومكفول

لو يدري ابن اشريم ولا الطواله =كان العلوم اتروح وتصول وتجول

ولاني ابن دوخي ولاني ابفضاله =واهل الشمال اصناف ضفران وفضول

وعين المبندق غير عين الغزاله =متى يجي من رايح المزن شملول

وتكبر ادفوف اللي عليها الشماله =وترعى بنا العفراء من الحول للحول

سوق النشاما غير سوق العماله =والعود الازرق مايسمى بمعمول

والبنقلا د يشي وسوق البطاله =يدمن عليه اللي على شكل مسلول