فصل البس ياهـجـوسـن حي والمعنى خطير= صافرات انذار يا مفتح عمى والشـمـس حيه

بين الحبل الطويل اضعف من الحبل القصير=والجمل مــربـوط له بقـياد والمـدفـــون خيه

والحـكـيم اللـي لعـبها صــح مايبغى شــوير=رابــط المجنون والصــاحي حضـر ويا خويه

والجبل راسي وشامخ فيه شــر وفـيه خـير=للهبوب اللي تبعـها اعصــار والمجـلاس فيه

وانت مـاضـني تتوب ولا يزعـــزعـك النذير=كنك اجهــر مـاتشـــوف الدرب والنيه مـطـيه

والعلوم اعلوم واخطــركنها السيف الشطير= مـافـهـمها غـــير ليثن لاحضـــر يفرح مـجيه

مانبي لحدن نصيحه هو يصـير او مايصــير= ســــاس بيت الفكــر ثابت لا واطـنابه قـــويه

وانا مـن يفتح ويقفل لاطلــبة خـــط المـسـير= نبذر اونقطف ونجمـع والنحل وســــط الخليه

صــور اكتب يالدفــــاع ومن له اجنيح يطـير= مـانت مفـتاح العـقـول ولاانت قاضي للقضـيه

ومــن جهلها مـا جهلها واحـدن عقـلـه كـبير=لاستوت عنده صقلها وان عطاء جزل العطيه

لو يشيب الشـيب ماشــابت وانا توي صــغير= نحتمــي طــــرافــها للضـــيف واتقــدم هديه

وانا لو ضاق الفضاء والكون ماضاق النظير= للرفـيق وللصــديق اللــي وضـع بالكـف كيه

مـــايجــي فــي منزلتهــم لاكفيف ولا فقــــير= الفقــــير ايســـاق له فطــره ولا يقفا بســيه

وحدث العــاقل بمــا يعـقل ولا تجـبر كســـير= الوكــيل الله وحــنا كــل راعـــن لـه رعـــيه