حضر من لاحضر وامسى ولاامسى كافل المكفول =وحرك ساكن المسكون واخلف نية الشــاري

هدف مجهول والعارف يشوفه من شـــــهر ايلول = وحـــققته وانا ماني مــن الشامت ولا الزاري

اشــوفه مـثل ماغــيري يشــوفه حـامل اومحمول = غـدابه لولب الدالوب حــافي والجســد عاري

تلـوابه نصـــيبه والقـدر مــع حــــظه المشـــلـول =وانا مؤمن واخاف الله وهذي حكـــمة الباري

وتحدر صافي الصافي مـن الصافي كمى الجندول =عمى واصقه ولا يسمع يمين اللغز وامـباري

وانا لو شفت ياما شفت من زولـن عـليه اهــتول = اخالف يمته خوفـن اطـيح ويكشف اسراري

قليل احسان حلو السـان يضــحك كـنه المسـطول =عديم احساس متعود على دقة قفى الساري

عسـاه وكـل مـن مـثله فـداء للفـارس المـصـقول = وانا والله يشــرفني كــريمن غـز مــقداري

طلـبني لـه نديمــن الشـعر بالمـفتوح والمــقفول = وانا حاضر لشاعـريام بقطف أجمل اثماري

بكـيفــها علـى كـيفـن ســـرى مـابيلها مدخـــول = وبقدمـــها على حــرن بفجـه للنحر ظـاري

وتمـوت الحـيه الرقطـى ويبـطل سـمها المحلول = وبنسفها على يسراي يسفي فوقها الذاري

وبختمها بســـم ربن سجد له مرسل ومرســـول = الآهـــنْ لاالآه الا هـــو العــــلامْ والـداري