يــابن بـلال الـيـــوم قـفـن دلابيــــــح =كـن السـراب ايحـول مـــن بينهنه
اخفيتهن عن بعض ناسن مشـــافيح =قبل الثلاث أثنيـن شــيعه وســـنه
لاجيت اوضحهن عن التاء توضــيح =التــــاء لا مـــني ولانيــب مــــــنه
وتقاودت بارسـانها ايقوم وايطيـــح =كـن اليديـن امـتـع القـدم خــالفنـه
مثل الصميل الياء لعب بالمراجـــيح =يقفـي ويقـتبل واليديـن أقضــبـنـه
سقته مع المقفي وعود مـع الريـح =معصار قيض وخالط القيض كنـه
ينساق مثل السلك وســط المسابيح =تبرق وترعـــد واليــــدين افلتنـه
وان عــوّدن ماضـن فيهن مرابيـــح =حـتيش لوجــن لازمــــات الأعـنه
ونقيتها لك صـــــافيه عقب تنقيــــح =مــن خافـقن يوم الهواجيـس جنه
داويتهن من عقب مـاهن ملاويــــح =يوم الضـــواري ليلهــن يدرجــنه