طاقتي معاد تاسع كل يـوم اتهام = كل ماقلنا انتهينا ابتدينا باوله

مانفع فيك دلال و لانفع فيك احترام = كل يوما تزعلين وتفتحين المساله

من عرفتك ماعرفت الا المعاند والخصام = والله انك في حياتي ياحياتي مهمله

شفتي اني مهتويك واصلا حد الهيام = قلتي افعل مابغيته وكل شي بيقبله

ايه متولع وقلبي القو بعده غرام = مابعده الا الجنون وخطوتين ووصله

لين صار الهرج فيني مثل كسار العظام = اتجيهل من حكابي ولى متى وانا اجهله

قالو فيني شي ماهو في قواميس الكلام = وسمعتي هي راس مالي لين يوم الاسئله

ليت كل اللي ذكرته راح للي ماتنام = وكل عينا في غرامي من سهرها ذابله

لكن انه جنابك راح وغواني المرام = يوم شفتك حلم ليلي ولطموح مسهله

لين جتني كلمتين تقلب انواع النظام = كلمتين صحصحتني وقمت اقرا البسمله

صاحبي اللي ماتقاعس لين دربي استقام = وزاج من عيني غشاوه من سنين مضلله

وجابك الله تحسبيني بستمعلك باهتمام = ولا على الا انفذ مطلبك واستعجله

انتي اللي صحصحي لي وكشفي زيف اللثام = انكشفتي ولانكشفتي غير باخر مرحله

روحي الله لايبيحك ماهو طبعي الانتقام = انتقامي بحد ذاته عيب واكبر مهزله

ولو سالتي من عجوي قلت حظي ودوام = وانتي ثالث وانتي ثاني لين صرتي الاوله