قالـت: فمـان الله ودي أغـادر=ولازم تناساني وقلبـي بينسـاك

طريقنـا صعبـه ولا لا تكابـر=وخلّك من عنادك وساعدني أنساك

قاومت ضيمي بس ماني بصابـر=بُعدك ذبحني وأنت يا شين فرقاك

تكفين قلبي زايدت بـه مخاطـر=وهذي دموعي يا حبيبي اترجـاك

دنياً بـلا حبـك تراهـا مقابـر=وش فايدة عمـرٍ أعيشـه بليـاك

راجع قرارك وأرحم اللي يثابـر=عايش سنينه غايته بس فرضـاك

لا تحسب أن الحب نزوة مقامـر=الحب حلمٍ منيتي يكـون ويـاك

تكفى ، فديتك خل عنك المغامـر=ودي أعيشك آمنـاً دوم فحمـاك

يالله حبيبي وأسعد اليـوم خاطـر=يبذل عشانك كل عمـره ويفـداك